|
Post by westgold on Aug 13, 2012 12:10:41 GMT 9
Isinusulong ngayon sa Kamara ni Aurora Rep. Juan Edgardo Angara ang panukalang batas para gawing mandatory ang pagtuturo ng paghahanda sa kalamidad para sa elementary at high school.
Kung magiging batas ang House Bill No. 460, magiging bahagi na ng mga asignatura ang mga paksa sa paghahanda laban sa natural at man-made disasters.
Naniniwala ang mambabatas na mas marami ang maililigtas sa paraang anticipatory kaysa ang mga aksyon pagkatapos ng kalamidad, kabilang na ang pagsaklolo sa mga nagiging biktima nito.
"It's about time that we become anticipatory, not just reactionary in preparing for disasters." wika ni Angara.
Base sa record ng National Disaster Risk Reduction and Management Council (NDRCC), 20 bagyo ang average na dumarating sa ating bansa bawat taon, habang may mga lindol at iba pang kalamidad na tumatama sa Pilipinas na lubhang nagiging problema ng mga mamamayan dahil sa kakulangan ng kahandaan.
|
|